dunya sehiye teshkilati dériktori gébréyus yuqumning tereqqiyatidin endishe qiliwatqanliqini bildürdi
dunya sehiye teshkilati bash dériktori tédros adanom gébréyus, tunji qétim wuxen wirusi (yéngi tiptiki tajsiman wirusluq öpke yallughi yuqumi – kowid – 19) gha duch kélingenlikini tekitlidi.
türkiye awazi radiyosi xewiri: dunya sehiye teshkilati bash dériktori tédros adanom gébréyus, tunji qétim wuxen wirusi (yéngi tiptiki tajsiman wirusluq öpke yallughi yuqumi – kowid – 19) gha duch kélingenlikini tekitlep, «men késellikning téz sürette köpiyishi we uning dunya miqyasida tarqilishidin chongqur endishe qiliwatimen» dédi.
gébréyus, dunya sehiye teshkilatining shiwitsariyening jenwe shehiridiki bash orginida ötküzülgen muxbirlarni kütüwélish yighinida, wehimilik bir kartinini otturigha qoyup, «aldimizdiki bir qanche kün ichide bir milyon yuqumlanghuchi we 50 ming qaza qilghuchilar sanigha yétimiz» dédi.
«dunya ezeldin bundaq tarqilishchan késelge yoluqup baqmighan. bu namelum we xeterlik bir wirus. men késellikning téz sürette köpiyishi we dunya miqyasida tarqilishidin chongqur endishe qiliwatimen» dégen gébréyus, sözini dawamlashturup, ««bu hélihem intayin yéngi bir wirus bolup, her küni uni tonushni dawamlashturuwatimiz. tarqilishchan zukamning tereqqiy qilishigha egiship, yéngi bayqashlar otturigha chiqidu we bizning tewsiyelirimizmu tereqqiy qilidu» dégenlerni qeyt qildi.
