ئىسرائىلىيە كۈچلىرى پەلەستىنلىك ئوقۇغۇچىلارنى ئۆلتۈردى

تۈركىيە ئاۋازى رادىيوسى خەۋىرى: پەلەستىن سەھىيە مىنىستىرلىقى تەرىپىدىن بۇ ھەقتە تەييارلانغان دوكلاتتا مۇنداق دېيىلدى: «ئىسرائىلىيە ئىشغال كۈچلىرى 2019 – يىلى مابەينىدە پەلەستىنلىك ئىككى ئوقۇغۇچىنى ئۆلتۈردى، 161 ئوقۇغۇچى، 17 ئوقۇتقۇچى ۋە مەمۇرىي خادىمنى قولغا ئالدى، 175 ئوقۇغۇچى بىلەن 120 ئوقۇتقۇچىنى يارىلاندۇردى، ئىككى مەكتەپنى چېقىۋەتتى، كۆپلىگەن مەكتەپلەرنىڭ چېقىلىدىغانلىقىنى، تاقىلىدىغانلىقىنى، ياكى قۇرۇلۇش رۇخسىتىنىڭ توختىتىلىدىغانلىقىنى ئۇقتۇردى، ئىسرائىلىيەنىڭ كىشىلىك ھوقۇق دەپسەندىچىلىكلىرى سەۋەبىدىن ئوقۇغۇچىلار 3 مىڭ 72 سائەتلىك دەرستىن مەھرۇم قالدى.»