shiwétsiyediki bir meschit 7 ay ichide ikkinchi qétim hujumgha uchridi

türkiye awazi radiyosi xewiri: shiwétsiyediki perqliq rengler partiyesi bashliqi mikail yüksel, meschitke kirgen kimliki namelum kishi yaki kishilerning quran kerimni yirtip, tamlargha haqaretlik sözlerni yézip qoyghanliqini éytti.

mezkur meschitning buningdin 7 ay burunmu mushu xil hujumgha uchrighanliqini bildürgen yüksel, «aldinqi hujumdikige oxshashla quran kerimning sehipiliri yirtiwétiliptu. islamgha we muhemmed eleyhissalamgha qarshi peskesh xetler yézilip, musulmanlarni renjide qilish közliniptu» dégenlerni qeyt qildi.

u, bu hujumlarning musulman puqralarda endishe peyda qilghanliqini tekitlep, «igiligen uchurumgha asaslanghanda, doxturxanining u bölümide bixeterlik kamérasi yoq iken. bixeterlik kamérasi bolghan bolsa idi, birinchi hujumning jawabkarliri qolgha chüshürülgen bolatti. emeldarlar u yerge kéchiktürmestin bixeterlik kamérasi ornitishi kérek» dédi.

saqchilar meschitni közdin kechürgendin kéyin weqe toghrisida tekshürüsh élip bérishni bashlidi.