سېنېگال پىرېزىدېنتى يۈزلەرچە مەھبۇسنى كەچۈرۈم قىلدى

تۈركىيە ئاۋازى رادىيوسى خەۋىرى: سېنېگال ئەدلىيە مىنىستىرلىقىنىڭ بۇ ھەقتىكى باياناتىغا قارىغاندا، پىرېزىدېنت ماكي سال يېڭى يىل مۇناسىۋىتى بىلەن 709 مەھبۇسنى كەچۈرۈم قىلغان؛ قاراردا كۆرسىتىلىشىچە، 631 مەھبۇس تولۇق كەچۈرۈم قىلىنغان، قالغانلىرىنىڭ جازا مۇددىتى قىسقارتىلغان.

كەچۈرۈمنامە ئارقىلىق قويۇپ بېرىلگەن مەھبۇسلارنىڭ ئىچىدە ياشلار، ياشانغانلار ۋە ئېغىر كېسەللەر بار ئىكەن.

سېنېگال ئەنئەنلىرىگە ئاساسەن، پىرېزىدېنت يېڭى يىل، مۇستەقىللىق كۈنى، روزا ۋە قۇربان ھېيتلىرىدا كەچۈرۈم قىلىش سالاھىيىتىنى ئىشقا سالالايدۇ.

پىرېزىدېنت سال، 2019 – يىلى 4 – ئاپرېلدا مۇستەقىللىق كۈنى مۇناسىۋىتى بىلەن 1066 مەھبۇسنى كەچۈرۈم قىلغانىدى.