ئافغانىستاندىكى پېزىدېنتلىق سايلىمى كۈنىدە 68 ئورۇن ھۇجۇمغا ئۇچرىدى
ئافغانىستان مىقياسىدا تۈنۈگۈن ئۆتكۈزۈلگەن پىرېزىدېنتلىق سايلىمى جەريانىدا 68 ئايرىم ھۇجۇم قىلىش ۋەقەسى يۈز بېرىپ، 4 خەۋپسىزلىك خادىمى جېنىدىن ئايرىلدى.
تۈركىيە ئاۋازى رادىيوسى خەۋىرى: ئافغانىستان ئىچكى ئىشلار مىنىستىرى مەسئۇد ئاندەرابى بايانات بېرىپ، تالىباننىڭ سايلامغا توسقۇنلۇق قىلىش تىرىشچانلىقىنىڭ مەغلۇبىيەتكە ئۇچرىغانلىقىنى؛ تالىباننىڭ دۆلەت مىقياسىدا سادىر قىلغان 68 ھۇجۇمىدا 4 خەۋپسىزلىك خادىمىنىڭ جېنىدىن ئايرىلغانلىقىنى، 3 خەۋپسىزلىك خادىمى بىلەن 72 پۇقرانىڭ يارىلانغانلىقىنى بىلدۈردى.
ئافغانىستان دۆلەت خەۋپسىزلىك ئورگىنىنىڭ باياناتىدا بولسا، سايلام كۈنى ئافغانىستان مىقياسىدا ئېلىپ بېرىلغان تالىبانغا زەربە بېرىش مەقسەتلىك 13 ھەرىكەتتە 34 تالىبان ئەزاسىنىڭ بىر تەرەپ قىلىنغانلىقىنى، 14 نەپىرىنىڭ يارىلانغانلىقى قەيت قىلىندى.
تالىبان بولسا، ھۇجۇملاردا خەۋپسىزلىك كۈچلىرىدىن ئۆلگەن ۋە يارىلانغانلار سانىنىڭ 422 ئىكەنلىكىنى ئىلگىرى سۈردى.
مۇناسىۋەتلىك خەۋەرلەر
ئىراقتىكى بىر تەبىئىي گاز مەيدانى ھۇجۇمغا ئۇچرىدى
ئىراقنىڭ سۇلايمانىيە شەھىرىدىكى كور-مور تەبىئىي گازلىق ئۇچقۇچىسىز ھاۋا ئاپپاراتى ھۇجۇمىغا ئۇچرىدى.