ئەربىلدىكى ھۇجۇمدا يارىلانغان بىر كىشى ھاياتىدىن ئايرىلدى

تۈركىيە ئاۋازى رادىيوسى خەۋىرى: ئىراق كورد رايونلۇق ھۆكۈمىتى قارمىقىدىكى قانۇن دوختۇرخانىسىنىڭ بىر ئەمەلدارىنىڭ بىلدۈرۈشىچە، تۈركىيەنىڭ ئەربىل كونسۇلخانىسىدىكى بىر دىپلومات شېھىت بولغان ھۇجۇمدا بېشىغا ئوق تېگىپ ئېغىر يارىلانغان بەشدار رامازانمۇ ھاياتىدىن ئايرىلغان.

رامازاننىڭ جەسىتىنىڭ قانۇن دوختۇرخانىسىدىن ئېلىنىپ ئائىلىسىگە تاپشۇرۇپ بېرىلگەنلىكى ئەسكەرتىلدى.

ئەربىل دائىرىلىرى بۇ ھەقتە تېخى رەسمىي بايانات ئېلان قىلمىدى.

ئىراقنىڭ ئەربىل شەھىرىدىكى بىر رېستورانغا قىلىنغان قوراللىق ھۇجۇمدا تۈركىيەنىڭ ئەربىلدىكى كونسۇلخانىسىدا ئىشلەيدىغان بىر دىپلومات شېھىت بولغان، ھۇجۇمدا بىر ئىراق پۇقراسى ھاياتىدىن ئايرىلغانىدى.