amérika awam palatasi seudi erebistan eyiblengen layiheni maqullidi
amérika awam palatasi seudi erebistanliq zhurnalist jemal qashiqchi jinaytining jawabkarlirini ashkarilash telep qilinghan we seudi erebistanning kishilik hoquqqa xilap qilmishliri eyiblengen ikki qanun teklip layihesini maqullidi.
türkiye awazi radiyosi xewiri: amérika awam palatasi wekilliri omumiy kéngeshte awazgha qoyulghan qanun teklip layiheside, seudi erebistanni eyiblidi.
washington pochtisi gézitining yazghuchisi bolghan seudi erebistanliq jemal qashiqchining öltürülüshide jawabkarliqi bolghan yaki öltürüsh buyruqini bergenlerni ashkarilash telep qilinghan qanun teklip layihesi, yette awazgha qarshi 405 awazning qollishi bilen qobul qilindi.
qanun teklipide, amérika istixbarat idarisi diréktorining jinayet jawabkarlirini jemiyetke ashkarilishi we bu kishilerge wiza cheklimisi qoyush telep qilindi.
mezkur qanun teklipining jumhuriyetchiler köp salmaqni igileydighan kéngesh palatasida qobul qilinishining qiyin ikenliki eskertilmekte.
amérika awam palatasi yene, seudi erebistanliq ayal paaliyetchilerning türmige qamilishini eyibligen qanun teklip layihesinimu awazgha qoyup qobul qildi.
amérika kongresi buningdin burun jemal qashiqchi jinayitige, seudi erebistan weliehdi shahzadisi muhemmed bin selmanning jawabkar yaki emeslikini ochuq otturigha qoyush telep qilinghan bir qanun layihesini, pirézidént trampqa ewetken. biraq, tramp qanuniy jehettin 120 kün ichide kongrege jawab bérishi kérek bolghan telep toghrisida héchqandaq bayanat élan qilmidi.
amérika kéngesh palatasi jemal qashiqchi jinayitige shahzade selmanning jawabkar ikenlikini qobul qilghan qanun teklipini testiqlighan we bu arqiliq jinayet sewebidin selmanni ochuq-ashkara eyibligen idi. seudi erebiystanliq zhurnalist jemal qashiqchi 2018-yili 2-öktebirde toy resmiyetlirini béjirish üchün istanbuldiki seudi erebistan konsulxanisigha barghanda wehshiylerche öltürülgen idi.
amérika pirézidénti donald tramp 2019-yili aprélda yemende dawam qiliwatqan urushta, seudi erebistangha qiliniwatqan herbiy yardemni toxtitish telep qilinghan qanun teklipini ret qilghan idi.
