رۇسىيەدە ئايروپىلان قازاسى يۈز بەردى

تۈركىيە ئاۋازى رادىيوسى خەۋىرى: رۇسىيەگە قاراشلىق بۇرياتيا جۇمھۇرىيىتىدە بىر يولۇچىلار ئايروپىلانى ئايرودۇرۇمغا جىددىي قونۇش ئەسناسىدا لىنىيەسىدىن چىقىپ كېتىپ 2 ئۇچقۇچى قازا قىلدى، 22 يولۇچى يارىلاندى.

رۇسىيە تاراتقۇلىرىنىڭ خەۋەر قىلىشىچە، نىجنېئانگارسكىدىن ئۇلان ئۇدېغا قاراپ نىجنېئانگارسكى ئايرودۇرۇمىدىن قوزغالغان «ئان-24» تىپلىق يولۇچىلار ئايروپىلانى، ئۇزۇن ئۆتمەيلا جىددىي قونۇش ئۈچۈن ئايرودۇرۇمغا قايتىپ كەلگەن.

قونۇش ئەسناسىدا لىنيەسىدىن چىقىپ كەتكەن ئايروپىلان، بىر بىناغا سوقۇلۇپ توختىغان، بىراق شىددەتلىك ئوت يالقۇنى 2 ئۇچقۇچىنىڭ ئۆلۈمى، 22 يولۇچىنىڭ يارىلىنىشىغا سەۋەب بولغان.

ئىگىلىنىشىچە، ساقچىلار نۆۋەتتە ۋەقەنىڭ سەۋەبىنى تەكشۈرۈشنى داۋاملاشتۇرماقتا ئىكەن.