zhurnalist jemal qashiqjining layiqi xelqaragha chaqiriq élan qildi
seudi erebistanliq zhurnalist jemal qashiqjining layiqi xetije jengiz jemal qashiqji jinayitige alaqidar xelqaraliq jinayet délosi turghuzush chaqiriqida boldi.
türkiye awazi radiyosi xewiri: seudi erebistanning istanbulda turushluq konsulxanisida wehshilerche öltürülgen zhurnalist jemal qashiqjining layiqi xetije jengiz birleshken döletler teshkilati, yawropa ittipaqi we amérika palatasini jemal qashiqji jinayitige alaqidar xelqaraliq jinayet délosi turghuzushqa chaqiriq qildi.
xetije jengiz b d t ning jenwede turushluq ishxanisida, hoquqluq zhurnalistlar birliki «ACANU» teripidin ötküzülgen «jemal üchün adalet» témiliq axbarat élan qilish yighinida nutuq sözlidi.
yighingha xelqaraliq zhurnalistlar zich qatnashti.
xetije jengiz xelqaraliq tekshürüshning amérikining rehberlikide bashlansa tolimu ünümlük bolidighanliqini tilgha élip, yawropa ittipaiq döletliriningmu bu xil tirishchanliqlarni körsitishini ümit qilidighanliqini éytti.
xetije jengiz xelqara axbaratlarning jemal qashiqji délosigha alahide köngül bölgenlikidin memnun bolghanliqini éytti.
jemal qashiqji 2018 – yili 2 – öktebirde seudi erebistanning istanbulda turushluq konsolxanisida wehshilerje öltürülgen idi.
