گىرېتسىيەدە 7-ئىيۇلدا بالدۇر سايلام ئۆتكۈزۈلىدۇ
گىرېتسىيە ھۆكۈمەت باياناتچىسى دىمىترىس كاناكوپولوس 7-ئىيۇلدا بالدۇر سايلام ئۆتكۈزۈلىدىغانلىقىنى بىلدۈردى.
تۈركىيە ئاۋازى رادىيوسى خەۋىرى: گىرېتسىيە ھۆكۈمەت باياناتچىسى دىمىترىس كاناكوپولوس، مۇدەتتىن بۇرۇنقى سايلامنى بۇ يىل 7-ئىيۇلدا ئۆتكۈزۈشنى پىلانلىغانلىقلىرىنى ئېيتتى.
«ئالپا»ناملىق تېلېۋىزىيە قانىلىنىڭ زىيارىتىنى قوبۇل قىلغان كاناكوپولوس مۇنداق دېدى: «باش مىنىستىر چىپراس بالدۇر سايلامنى 7-ئىيۇلدا ئۆتكۈزۈشنى دېدى، ئالىي مەكتەپ ئىمتىھانىنىڭ ئوڭۇشلۇق بولۇشى ئۈچۈن 7-ئىيۇلنى بېكىتتۇق.»
باياناتچى دىمىترىس كاناكوپولوس، باش مىنسىتىر ئالېكسىس چىپراسنىڭ 10-ئىيۇندا پىرېزىدېنت پروكوپىس پاۋلوپولوس بىلەن كۆرۈشكەنلىكىنى بىلدۈردى.
ئالېكسىس چىپراس ياۋروپا پارلامېنتى سايلاملىرىدا ئۆكتىچى پارتىيەگە قارىغاندا %9 ئاز ئاۋازغا ئېرىشىشىدىن كېيىن، بالدۇر سايلام ئۆتكۈزۈشنى قارار قىلغانىدى.
مۇناسىۋەتلىك خەۋەرلەر
ئىرېلاندىيەمۇ پەلەستىن دۆلىتىنى ئېتىراپ قىلدى
ئىسپانىيە ۋە نورۋېگىيەدىن كېيىن، ئىرېلاندىيەمۇ پەلەستىن دۆلىتىنى رەسمىي ئېتىراپ قىلدى.
ئىسپانىيە پەلەستىن دۆلىتىنى ئېتىراپ قىلدى
ئىسپانىيە ۋەزىرلەر كېڭىشى پەلەستىن دۆلىتىنى رەسمىي ئېتىراپ قىلىش قارارنامەسىنى ماقۇللىدى.