iran tashqi ishlar ministiri amérikagha jawab qayturdi
iran tashqi ishlar ministiri muhemmed jewad zarif «iqtisadiy térrorluq we irqiy qirghinchiliq yingnilirini paturushlar iranni yoqutalmaydu» dédi.
türkiye awazi radiyosi xewiri: iran tashqi ishlar ministiri muhemmed jewad zarif tiwittérda élan qilghan bayanatida, amérika pirézidénti donald trampning «eger iran urushushni xalaydighan bolsa, bu iranning resmiy axirilishishi bolup qalidu» dégen sözlirige jawab qayturdi.
iran tashqi ishlar ministiri muhemmed jewad zarif mundaq dédi:
«tramp <b> guruppsining küshkürtishliri bilen iskendek (miladidin ilgiriki 336- 323 – yilliri makédoniye padishahi bolghan), chingizxan (miladidin kéyinki 1116 – 1227 – yilliri mungghol émpriyesini qurghan) we bashqilarning ishqa ashuralmighan ishlirini emelge ashurushni arzu qilmaqta. barliq ishghaliyetchiler yoqulup tügidi. biraq iran ming yildin buyan tik turmaqta. iqtisadiy térrorluq we irqiy qirghinchiliq yingnilirini paturushlar iranni yoqutalmaydu»
muhemmed jewad zarif tiwittérdiki uchurining axirida yene, «hergizmu birer iranliqqa tehdit salma!» dégen alahide isharetlik söz bilen birge «hörmet qilishni sinap baq, sanga esqatidu» dégenlerni qeyt qildi.
iran tashqi ishlar ministiri muhemmed jewad zarif aq sarayning dölet bixeterliki meslihetchisi jün bolton, israiliye bash ministiri binamin nétanyahu, seudi erebistan texti warisi muhemmed bim selman we dubey text warisi muhemmed bin zayid qatarliqlarni «trampning <b> guruppsi» dep atap kelmekte.
iraqning paytexti baghdattiki yéshil rayonda turushluq amérika elchixanasi binasigha yéqin jaygha aldinqi küni kechte katyusha rikatasi bilen hujum qilinghan bolup, donald tramp ijtimaiy taratquchi hésabida bu heqte élan qilghan bayanatida, «eger iran urushushni xalaydighan bolsa, bu iranning resmiy axirilishishi bolup qalidu. sen amérikini hergizmu qayta tehdit etküchi bolma!» dégen idi.
