népalda ikki ailidin 9 kishi öltürüldi

türkiye awazi radiyosi xewiri: népal hökümiti mesulliridin murari wasti, miklajung yézisida ikki ailidin 9 kishining kéche waqtida yüzige maska taqiwalghan kishiler teripidin öyliride öltürülgenlikini we weqede 12 yashliq bir qizning yaridar halette qutulup qalghanliqini bildürdi.

ikki ailining öylirining bir birige yéqin ikenlikini tekitligen wasti, jesetlerning etigende qoshniliri teripidin bayqalghanliqini uqturdi.

wasti saqchilarning weqe yüz bergen jaygha bérip tekshürüsh bashlighanliqini eskertti.

paytext katmanduning sherqide, 400 kélométir uzaqliqqa jaylashqan miklajung yézisigha yétip bérish üchün peqet birla topa yol barliqini we merkezdin yézigha bérish üchün eng az dégendimu 5 saet waqit kétidighanliqini tekitlep, hökümet mesulliriningmu yézigha bérishqa uriniwatqanliqini éytti.