ئامېرىكا ئىراقتىن كەچۈرۈم سورىدى
ئامېرىكا، ئۆتكەن ئاي ئىراقنىڭ شىمالىدىكى كەركۈكتە بىر ھەربىي ئاپتوموبىلغا خاتا ھالدا ھاۋادىن زەربە بەرگەنلىكى ئۈچۈن باغداد دائىرىلىرىدىن كەچۈرۈم سورىدى.
تۈركىيە ئاۋازى رادىيوسى خەۋىرى: ئىراق ئىچكى ئىشلار مىنىستىرلىقىغا قاراشلىق فېدېراتىپ ساقچى قوماندانلىقى يازما بايانات ئېلان قىلىپ، ئامېرىكىنىڭ ئىراقتا تۇرۇشلۇق ۋەكىلى جوئې خودنىڭ پايتەخت باغدادتىكى فېدېراتىپ ساقچى قوماندانلىق مەركىزىنى زىيارەت قىلغانلىقىنى بىلدۈردى.
خود، 24 – ئاپرېلدا ئېلىپ بېرىلىپ بىر ساقچىنىڭ ئۆلۈپ كېتىشى، 2 ساقچىنىڭ يارىلىنىشىنى كەلتۈرۈپ چىقارغان خاتا ھۇجۇم يۈزىسىدىن ئامېرىكا دائىرىلىرىنىڭ كەچۈرۈم سورايدىغانلىقىنى ۋە تەزىيە بىلدۈرىدىغانلىقىنى يەتكۈزدى.
ئىتتىپاقداش كۈچلەر قارمىقىدىكى ئامېرىكا ئايروپىلانلىرىنىڭ 24 – ئاپرېلدا كەركۈكتە فېدېراتىپ ساقچى قوماندانلىقىنىڭ بىر ھەربىي ئاپتوموبىلىغا قىلغان ھۇجۇمىدا 1 ساقچى ئۆلگەن، 2 ساقچى يارىلانغانىدى.
دائېش تېررورلۇق تەشكىلاتىغا قارشى كۈرەش قىلىش 2014 – يىلى ئامېرىكا باشچىلىقىدا قۇرۇلغان ئىتتىپاق سېپىدە ئىراقتا 5 مىڭ ئەتراپىدا ئامېرىكا ئەسكىرى بار.