putin tramp bilen körüshüshke teyyar ikenlikini éytti
rusiye pirézidénti wiladimir putin amérika pirézidénti donald tramp bilen körüshüshke teyyar ikenlikini bildürdi.
türkiye awaz radiyosi xewiri: rusiye pirézidénti wiladimir putin amérika qoshma ishtatliri pirézidénti donald tramp bilen yaponiyening osaka shehiride chaqirilidighan g-20 dölet guruhi aliy rehberler yighinida körüshüshke teyyar ikenlikini éytti.
sochida uchrishishlar élip barghan wiladimir putin, trampning osakada körüshüsh teklipige jawab berdi.
tramp bilen eng qisqa waqit ichide körüshüsh pursitige bu yil osakada chaqirilidighan g -20 dölet guruhi aliy rehberler yighinida érishidighanliqini éytqan putin: eger amérika dairiliri bu xildiki körüshüshlerni dawamlashturidighan bolsa, burun bir nechche qétim déginimizdek, wiyana bolup dunyaning her qandaq yéride körüshüshke teyyarimiz, dédi.
yaponiye teripidin tunji qétim sahibxanliq qilinidighan g-20 döletler guruhi aliy rehberler yighini bu yil 28-iyundin 29-iyunghiche dawamlishidu.
donald tramp mushu düshenbe küni bayanat bérip, bu yilqi g-20 dölet guruhi aliy rehberler yighinida rusiye pirézidénti wiladimir putin we xitay dölet reisi shi jinping bilen körüshüsh niyiti barliqini dégenidi.
