misirda 9 yashning ölüm jazasi ijra qilindi

türkiye awazi radiyosi xewiri: misirda bash mupettishke bomba hujumi qilish bilen eyiblinip, ölüm jazasigha höküm qilinghan 9 kishining ölüm jazasi ijra qilindi.

musulman qérindashlar teshkilatining eng yuqiri derijilik ijraiye heyiti dep bilinidighan rehberlik ishxanisi ezasi muhemmed taha wehdanning oghli ehmed tahamu ölüm jazasi ijra qilinghan yashlar arisidin orun aldi.

ehmed tahaning sisi hökümiti mezgilide ölüm jazasi ijra qilinghan tunji musulman qérindashlar teshkilati ezasi ikenliki bildürülmekte.

xelqara kechürüm teshkilati tünügün élan qilghan bayanatida, 9 öktichige bérilgen we bügün etigen ijra qilinmaqchi bolghan ölüm jazasi qararining toxtitilishini telep qilghan idi. 

nazettiki yashlarning ölüm jazasini ijra qilishqa teyyarliq qilish üchün jaza ijra qilish türmisige yötkelgenliki qeyt qilinghan bayanatta, gumandarlarning qanunsiz soraq qilinghanliqi bildürülgen idi.

bayanatta yene, sot jeryanida bezi gumandarlarning jinayetni étirap qilishi üchün qiyin – qistaqqa élinghanliqlirigha dair sözlirigimu orun ajritilghan idi.

misir soti 2015 – yili bash mupettish hisham berekatqa suyiqest qilish délosi bilen sot qilinghan 9 gumandargha bérilgen ölüm jazasini 2018 – yili noyabirda testiqlighan idi.

gumandarlar bolsa, sot jeryanidiki eyibleshlerni ret qilip, qiyin - qistaq arqiliq étirapname alghanliqilirini bildürgen idi.