италийәдә бир айропилан билән тик учар айропилан соқушуп кәтти
италийәниң шималидики алп тағлири җайлашқан районда бир айропилан билән тик учар айропиланниң соқушуп кетиши сәвәбидин 5 киши өлүп, 2 киши йаридар болди.
1133573
түркийә авази радийоси хәвири: италийә мәтбуатлириниң хәвиридә билдүрүлишичә, валлә дә оста районидики алп тағлири әтрапида кичик бир хусусий айропилан билән тик учар айропилан һавада соқушуп кәткән.
вәқәни көргән тағқа йамишиш маһирлири хәвәр бәргәндин кейин, җидди қутқузуш тик учар айропиланлириниң районға әвәтилгәнлики қәйт қилинди.
йардәм әтритини мәнбә көрсәткән хәвәрдә, 5 кишиниң өлгәнлики вә 2 кишиниң еғир йаридар болғанлиқи вә өлгәнләрниң чәт әллик икәнликлири уқтурулди.
вәқәниң сәвәби техичә намәлум.
