җамму кәшмирдә йәнә тоқунуш йүз бәрди

түркийә авази радийоси хәвири: һиндистанниң җамму кәшмир районида аманлиқни сақлаш күчлири билән қозғилаңчилар оттурисида йүз бәргән тоқунушта 2 нәпәр қозғилаңчи өлтүрүлди.

һиндистан вақти гезитиниң хәвиригә асасланғанда, бир сақчи мәсули сиринагар шәһири әтрапидики хонох районини қоршавға алған аманлиқни сақлаш күчлири билән қозғилаңчилар оттурисида тоқунуш йүз бәргәнликини вә 2 нәпәр қозғилаңчиниң өлтүрүлгәнликини билдүргән.

қозғилаңчиларға тәвә қорал вә оқ – дориларниң қолға чүшүрүлгәнликини вә районда тәкшүрүшләрниң давамлишиватқанлиқини ейтқан.