bir türk gérmaniye ichki istixbaratining muawin bashliqi boldi
gérmaniyening ichki ichki istixbaratigha mesul, dölet asasiy qanunini qoghdash teshkilati «BFV» ning muawin bashliqi wezipisige esli türkiyelik sinan selen teyinlendi.
türkiye awazi radiyosi xewiri: teshkilatning resmiy tor bétide, gérmaniyening ichki ichki istixbaratigha mesul, dölet asasiy qanunini qoghdash teshkilati «BFV» ning bashliqi tomas haldéwégning muawini süpitide sinan selenning qisqiche terjiméhali tonushturulush bilen birge resmiy wezpisini bashlighanliqi jakarlandi.
gérmaniyede tunji qétim bir köchmen döletning ichki istixbarat teshkilatining 2 derijilik mesuli sewiyesige kelgen boldi.
sinan selenning istanbulda tughulghanliqi we kölén uniwérsitéti qanun fakultétini pütküzgenliki bildürüldi.
sinan selen 2000 – yilidin 2006 – yilighiche fédératsiye jinayi ishlar idarisida her xil muhim wezipilerni ötigen bolup, 2006 – yili ichki ishlar ministirliqigha yötkilip, térrorluqqa qarshi küresh bashqarmisining chet ellik térrorchilar we chet ellik ashqunlargha qarshi turush ishxanisida ishligen idi.
2009 – yilidin 2012 – yilighiche saqchi idarisi jinayi ishlargha qarshi küresh bashqarmisida bashliq wekili boldi. 2016 – yili xususiy sahege yötkilip, sayahet bashqarmisi «TUI» ning pütün dunyadiki bixeterlik asasiy qurlushini qurüp chiqti.
sinan selen bu qétim muawin bashliq bolush süpiti bilen qaytidin istixbarat teshkilatigha qaytip, wezpiisini tünügün resmiy bashlidi.
gérmaniye ichki ishlar ministiri horst séholférmu teshkilatning kaléndiki merkizini ziyaret qilip, yéngidin teyinlengen bashliqlargha utughluq télidi.
teshkilatning aldinqi sabiq bashliqi hans géorg massén awghust éyida, chémnétz shehiride panahlanghuchilar bilen yüz bergen weqedin kéyin élan qilghan bayanatliri sewebidin hökümetning naraziliqigha uchrighan we wezipisidin élip tashlanghan idi.
