maduro qesem ichti
wénézuélada 20 – may küni ötküzülgen pirézidént saylimida ghelibe qilghan nikolas maduro paytext karakastiki aliy sot mehkimiside ishqa ashurulghan murasimda qesem ichti.
türkiye awazi radiyosi xewiri: birinchi basquchluq saylamda % 68 awazgha ériship ghelibe qilghan we dölitini 2025 – ylghiche basquridighan maduroning qesem ichish murasimigha türkiyege wekaliten muawin jumhur reis fuat oktay, boliwiye pirézidénti juan éwo moralés, kuba pirézidénti miguél mario diaz – kanél we 90 din artuq döletning her xil sewiyelerdiki wekilliri qatnashti.
pirézidént saylimida maduro küchke ige 8 milyondin artuq awazdin 6 milyon awazgha érishken, bashqa namzatlar hénri falkon 1 milyon 820 ming, jawiér bértukki 925 ming, réynaldo chuyjada 34 ming 614 awazgha érishkenidi.
nikolas maduro hökümiti dewride éghir iqtisadiy we siyasiy kirizis ötkilidin ötüshke tirishqan wénézuéla, rayondimu keng dairilik siyasiy jehettin yétim qaldurush we iqtisadiy émbargolargha duch kelmekte.
