tramp alem armiyesi qomandanliq merkizi qurush permanini imzalidi

türkiye awazi radiyosi xewiri: pirézidént trampning, «alem armiyesi qomandanliq merkizining birleshme herbiy qomandanliq merkizi bolup qurulushi» namliq dölet mudapie ministiri mattisqa ewetken ikki betlik permani bilen, uzundin buyan küntertipte turup kelgen alem armiyesi qomandanliq merkizining qurulushi resmiyleshken boldi.

pirézidént tramp qomandanliq merkizining qurulushi toghrisida mudapie ministiri we armiye bash ishtab bashliqi bilen körüshkenlikini eskertip, mudapie ministiri mattistin alem armiyesi qomandanliq merkizide wezipige qoyulidighan ofitsérlarni békitishni telep qilghan.

pirézidént tramp qararnamiside amérika alem armiyesi qomandanliq merkizining wezipisi toghrisida töwendikilerni körsetken:

alem armiyesi qomandanliq merkizini, 1.birleshme herbiy qomandanliq merkizining xizmetlirige؛ 2. istratégiyelik armiye qomandanliq merkizi burun üstige alghan alemge munasiwetlik xizmetlerge؛ 3. alem herbiy heriketlirini élip baridighan qisimlar üchün esker élish we telim-terbiye organlirining xizmetlirige mesul qildim. yéngi birleshme qomandanliq pilani ichidin amérika alem armiyesi qomandanliq merkizining keng dairilik wezipisi we hoquq tizimlikige orun ajritilidu.

amérika dölet mudapie ministirliqi bu yil (2018) élan qilghan dölet mudapiesining istratégiyelik höjjitide, alem «qistangchiliq we murekkep» halgha aylanghanliqi sewebidin «urush meydani» dep atalghan idi.

xitayning «Dong Neg 3»suniy hemrahlirigha qarshi turalaydighan yiraq musapiliq balistik bashqurulidighan bombilirini sinaq qilishi, rusiyening «Kosmos 2521»namliq «qatil suniy hemrah» déyilidighan suniy hemrahni sinaq qilghanliqini élan qilishi qatarliqlar amérikada zor endishelerni peyda qilghan idi.

xitay bilen rusiyening herbiy pilanlirining, amérikani alem armiyesi qomandanliq merkizini qurushqa mejburlighanliqi bildürülmekte.

amérika armiyeside, yawropa qismi qomandanliq merkizi (EUCOM)  , merkiziy armiye qomandanliq merkizi (CENTCOM), hindi-tinch okyan qomandanliq merkizi (PACOM), afriqa qomandanliq merkizi (AFRICOM), shimaliy qisim qomandanliq merkizi (NORTHCOM), jenubiy qisim qomandanliq merkizi (SOUTHCOM) we istratégiyelik qisim qomandanliq merkizi (STRATCOM) qatarliq yette herbiy qomandanliq merkizi bar.