kanada seudi erebistan bilen tüzgen kélishimni emeldin qaldurush üchün izdenmekte

türkiye awazi radiyosi xewiri: kanada bash ministiri jastin tridéu  s t w (CTV) téléwiziyesining ziyaritini qobul qilghanda, seudi erebistan bilen tüzülgen qoral sétip bérish kélishimini emeldin qaldurush üchün yol izdewatqanliqlirini bildürdi. u kélishim shertlirining kélishimni emeldin qaldurghan yaki shertlirige xilapliq qilghan terepke éghir jawabkarliqning artilidighanliqini eskertip: «bu eslihelerni seudi erebistangha éksport qilmasliq yolining bar-yoqluqini tépish üchün, éksport ruxsiti üstide tekshürüsh élip bériwatimiz» dédi.

u 23-öktebir seudi erebistanliq zhurnalist jemal qashiqchi öltürülgendin kéyin zor ghulghula qozghighan qoral sétip bérish kélishimi heqqide toxtalghanda, mezkur kélishimni tonglitip qoyalaydighanliqlirini bildürgen bolsimu, bügüngiche héchqandaq emeliy qedem basmighan idi.

kélishimge asaslanghanda, kanada kélishimni emeldin qaldurghan ehwalda seudi erebistangha 1 milyard dollar tölem tölishi kérek iken. shunga, kanada hökümiti bu tölemni tölimeslik üchün yol izdimekte iken.

kanada bash ministiri jastin tridéu fédératsiye parlaménti we öktichilerning seudi erebistangha qoral sétip bérish tenqidige duch kelmekte.

kanada 2014-yili sabiq bash ministir stéfin joséf harpérning waqtida, ontariyo ishtatidiki «General Dynamics Land Systems» ishlepchiqarghan «LAV» tipliq herbiy aptomobillargha xéridar bolghan seudi erebistan bilen 928 aptomobil sétish-sétiwélish kélishimi imzalighan idi. biraq, 2015-yili hakimiyet béshigha kelgen jastin tridéu hökümiti teripidin toxtitip qoyulghan idi. kanada jemiyitide keng talash-tartishlargha seweb bolghan mezkur weqe, sabiq tashqi ishlar ministiri stéfin diyonning küch chiqirishi bilen qayta testiqlinip, kélishim emeliyleshken idi.

mezkur kélishimde, kanada seudi erebistangha 928 dane «LAV-6» tipliq «yinik qorallar» seplengen aptomobil satidighanliqi qeyt qilinghan. bu aptomobillardin 354 danisining ölchemlik esker toshuydighan aptomobil ikenliki, 119 danisining éghir hujum xaraktérlik «LAV-6» sheklide yasalghanliqi we bu aptomobillarning kozupigha ot küchi küchlük 105 millimétirliq toplarning ornitilghanliqi eskertilgen idi. kélishim dairiside, «LAV-6» aptomobillarning 119 danisining tanka atar aptomobili süpitide yasalghanliqi, yene bir guruppidiki 119 aptomobilgha 30 millimétirliq miltiq ornitilghanliqi we biwaste zerbe béreleydighan iqtidargha ige ikenliki, qalghan bashqa aptomobillar arisida qutquzush aptomobilliri, qomandanliq qilish we xadimlarni toshush aptomobillirining barliqi qeyt qilinghan idi.