strasburgda yüz bergen hujumning jawabkarliqini daésh öz üstige aldi
firansiyening strasburg shehiride seyshenbe küni kechte noél sahesini qangha boyighan hujumning jawabkarliqini térrorluq teshkilati daésh öz üstige aldi.
türkiye awazi radiyosi xewiri: firansiye axbarat wasitiliri, hujumning jawabkari dep qariliwatqan 29 yashliq chérif chékkatning, saqchilarning sheherdiki lazaret kochisida élip barghan tekshürüshi jeryanda öltürülgenlikini, uning qiz qérindishiining tünügün paytext parizhda qolgha élinghanliqini xewer qilghanidi.
strasburg shehirining eng muhim meydanliridin biri bolghan pilays klébérdiki noél bazirigha yéqin bir rayonda seyshenbe küni kechte qoralliq hujum yüz bergen, hujumdin kéyin zorawanning qachqanliqi bildürülgenidi.
parizh teptish emeldari rémi hétiz, hujumda 3 kishining hayatidin ayrilghanliqini, 6 si éghir 12 kishining yarilanghanliqini uqturghan, zorawanning saqchilar iz qoghlawatqan 29 yashliq chérif ikenlikini, gumandarning ilgirimu , firansiye, gérmaniye we shiwéytsariyede oghriliq w basqunchiliq jinayetliri bilen eyiblinip, sot mehkimiliri teripidin uda 27 qétim jazalandurulghanliqiini qeyt qilghanidi.
مۇناسىۋەتلىك خەۋەرلەر
