xitay amérika palatasigha sunulghan «tibet qanun teklipi» ge naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi lu kang paytext béyjingda chaqirghan jiddiy axbarat élan qilish yighinida, tibet mesilisining xitayning ichki ishi ikenlikini bildürüp, mezkur teklipning xitayning ichki ishlirigha arilishiwalghanliq bolidighanliqini éytti. 

lu kang: «qanun teklipidiki xitaygha qarshi orun bérilgen eyibleshler urunsizdur. xitay hökümiti we xelqi teripidin qetiy qobul qilinmaydu» dédi we amérikini özara munasiwetlerning ziyangha uchrimasliqi üchün mezkur qanun teklipini qanunlishishtin ilgiri tosup qilishqa chaqiriq qildi.

lu kang yene, 2015 – yilidin buyan amérikidin tibetke yuqiri derijilik siyasetchilernimu öz ichige alghan texminen 40 minggha yéqin kishining ziyaretke kelgenlikini bildürüp, mezkur qanun teklipi üchün héch qandaq seweb yoqluqini ilgiri sürdi.

amérikiliq mesullar zhurnalistlar bilen sayahetchilerning héchqandaq cheklimige uchrimastin tibetke bérishigha yol qoyulishi kérekliki tekitlengen we xitay mesullirining amérikigha kélishini chekleshni öz ichige alghan «2018 yilliq tibetke örara bérip kélish» qanun teklipini sunghan bolup, bu teklip 11 - sintebirde palata teripidin testiqlanghan idi.

emdilikte bu teklipning resmiy qanungha aylinishi üchün amérika pirézidénti donald trampning imzalishila kütülmekte.

amérika palata ezasi robért ménéndér qanun teklipi üstide toxtlip, «xitaylar amérikigha keng kölemde bérip kélish asanliqidin bolushigha paydilniwatidu, biraq amérika puqraliri undaq oxshash sharaitqa ige emes» dep éniqlima bergen idi.

xitay tébet aptonom rayoni üstide, yüzligen yillardin buyan xitayning igilik hoquqi barliqini ilgiri sürüp, bu rayongha qarita bashqa dölet we chet el teshklatliri yaki shexslerning qilghan pabliyetlirining hemmini ichki ishigha arilishiwalghanliq, dep bahalap kelmekte.