yawropa ittipaqi: engliye bilen chékinish mesiliside pütüshtuq
yawropa ittipaqi kéngishining bashliqi donaald task 13 – 14 – dékabir künliri chaqirilidighan yawropa ittipaqi bashliqlar yighinining muhim ishlar küntertipige engliyening ittipaqtin chékinish mesilisiningmu kirgüzülgenlikini éytti.
türkiye awazi radiyosi xewiri: task ammiwi ortaqlishish tor béti Twitter sehipiside bu heqte élan qilghan bayanatida, mundaq dédi: «engliyening yawropa ittipaqidin chéikinish mesilisi we <tedbir maddisi> toghruluq tekrar söhbet élip barmaymiz, peqet engliyening bu mesilini testiqlash basquchini qandaq asanlashturush heqqide muzakire élip bérishimiz mumkin. waqit qistawatidu, shunga, yawropa ittipaqining engliyening kélishimsiz chékinish pilanini ijra qilishqa teyyar ikenliki toghriliqmu söhbet élip barimiz.»
melumatlargha qarighanda, «tedbir maddisi», yawropa ittipaqigha eza irélandiye jumhuriyiti bilen engliye térrotériyesining bir qismi bolghan shimaliy irélandiye otturisida, engliyening yawropa ittipaqidin chékinishidin kéyin fizikiliq chégra shekillinip qélishining aldini élishni meqset qilidiken. bu madda arqiliq engliyening barliq térrotériyesi melum waqitqiche yawropa ittipaqi bilen tamozhna ittipaqining chégraliri ichide qalidiken.
yene bir tereptin, yawropa ittipaqi komitétining bayanatchisi mina andréwa, komitétta ötküzülgen axbarat élan qilish yighinida bergen bayanatida, engliyening yawropa ittipaqidin chékinishi mesiliside london bilen qaytidin kélishim tüzüsh mesilisi toghruluq söhbet ötküzülmeydighanliqini, engliyening 2019 – yili 29 – mart küni yawropa ittipaqidin ayrilidighanliqini tekitlep mundaq dédi: «engliyening yawropa ittipaqidin chékinishi mesiliside ittipaq bilen london otturisida 25 – noyabir küni kélishim tüzülgen bolup, yawropa ittipaqi komitétining bashliqi yén klod yangkérningmu tekitlep ötkinidek, bu heqtiki eng yéngi kélishimimiz <yéngi kélishim hasil qilish toghruluq muzakire élip barmasliqimizdur>.»
مۇناسىۋەتلىك خەۋەرلەر
