b d t yemen tinchliq muzakireliridin ümidwar ikenlikini bildürdi
b d t shiwétsiye paytexti stokholmda her qaysi tereplerning qatnishishi astida ötküzülidighan yemen tinchliq muzakire yighinliridin ümidwar ikenlikini bildürdi.
türkiye awazi radiyosi xewiri: b d t dunya yémek-ichmek pirogrammisi diréktori dawid bésléy b d t ning jenwediki ishxanisida ötküzülgen axbarat élan qilish yighinida, shiwétsiye paytexti stokholmda peyshenbe (6-dékabir) küni bashlinishi pilan qilinghan yemen tinchliq uchrishishliridin ümidwar ikenlikini éytti.
u ötken ayda bir qanche yildin buyan ichki urush dawamlishiwatqan yemende ziyartte bolghanliqini eskertip, hudeyde we sanaada bolghan üch künde qanunluq hökümet we husiylarning rehberliri bilen körüshüsh purstige érishkenlikini qeyt qildi.
u körüshüshlerde her ikki terepke insanperwerlik yardemlerning yetküzülishige ruxset bérishke chaqirghanliqini bildürüp: «bu yer apetning bosughisidiki dölet emes, belki apette qalghan dölet. ziyaret toghrisida b d t xewpsizlik kéngishige melumat berdim» dédi.
u yemende 8 milyondin 12 milyon kishining acharchiliqqa duch kelgenlikini eskertip, 29 milyon nopusi bolghan yemende 19-18 milyon kishining yémek-ichmek bixeter bolmasliqtek mesilige duch kelgenlikini tektlidi.
u yéqinqi heptilerde toqunushlar ewjige chiqqan hudeydening éghir weyranchiliqqa uchrighanliqini qeyt qildi.
u shiwétsiyede ötküzülidighan muzakirelerdin ümidwar ikenlikini, insanperwerlik mesililerge bolghan bésimning ünümge érishkenlikini we tereplerning körüshüshining muhim ehmiyetke ige ikenlikini bildürdi.
u husiylarning tinchliq uchrishishlirigha qatnishishida, belkim tunji qétim xelqaraliq jemiyetning bésimini hés qilghanliqini eskertip: «uchrishishlarda ilgirilesh hasil bolushini ümid qilimen. tereplerning körüshüshi nahayiti yaxshi ehwal. heqiqeten ümidwarmen» dédi.
husiylar barliq tirishchanliqlargha qarimay qatnashmighan we 6-séntebir shiwéytsariye paytexti jenwede ötküzülgen yemen muzakire yighini, 8-séntebir netijisiz axirlashqan idi.
shiwétsiyede b d t tinchliq muzakireliride husiylargha wekillik qilidighan heyetning ezasi hamid asim, bir özgirish bolmisa, 6-dékabir stokholmda muzakire yighinining bashlinidighanliqini éytqan idi.
