argéntina G-20 yighinining bixeterlik xizmetliri toghrisida melumat berdi

türkiye awazi radiyosi xewiri: argéntina xewpsizlik ministiri patrikiya bulrich G-20  rehberler yighinining bixeterlik xizmetliri toghrisida melumat berdi. u argéntina fédératsiye istixbarat idarisi (AFI) bilen chet el istixbarat idarisining özara zich hemkarlishiwatqanliqini bildürdi.

ministir bulrich boinis ayristiki kirchnér medeniyet merkizide, qatnash ministiri guyillérmo diyétrich, G-20 téxnika bölümining bash kordinatori hérnan lombardi we boinis ayrisning yerlik emeldarliri bilen birlikte axbarat élan qilish yighini ötküzdi.

u: « G-20ge oxshash dunyaning aldinqi qataridiki rehberliri ishtirak qildighan yighilishlarda, bixeterlik eng muhim mesililerdin biri hésablinidu. bu sewebtin, nahayiti qattiq bixeterlik tedbirliri yolgha qoyulidu» dédi.

u yighinning bixeterlikini kapaletke ige qilish üchün bir yildin artuq waqittin buyan xizmet ishligenliklirini eskertti. u yighin échilidighan künlerde namayish ötküzülidighanliqi toghrisida melumatqa ige bolghanliqlirini bildürüp: «kim namayish qilmaqchi bolsa, tinchliq we pikir erkinliki dairiside, zorawanliq qilmastin qilishi kérek» dédi.

G-20 téxnika bölümining bash kordinatori hérnan lombardi yighin üchün chet döletlerdin muxbirlar, wekiller we yighin teshkilligüchilirini öz ichige alghan 15mingdin artuq ademning areéntinagha kélidighanliqini, 3mingdin artuq muxbirning yighinini közitidighanliqini qeyt qildi.

G-20 rehberler yighini 30-noyabirdin 1-dékabirghiche argéntina paytexti boinis ayrista ötküzülidu.