tramp: qashiqji jinayitige munasiwetlik léntini tingshashni xalimidim
amérika qoshma ishtatliri pirézidénti donald tramp, seudi erebistanliq zhurnalist jemal qashiqji jinayitige munasiwetlik awaz léntilirining qollirida ikenlkiini bildürdi.
türkiye awazi radiyosi xewiri: amérika qoshma ishtatliri pirézidénti donald tramp, seudi erebistanliq zhurnalist jemal qashiqji jinayitige munasiwetlik awaz léntilirining qollirida ikenlikini eskertip, «léntini tingshashni xalimidim. tolimu zorawan, wehshiy we berbat idi» dédi.
donald tramp foks xewerler qanilining söhbet pirogrammisida, qashiqjining 2 – öktebirde seudi erebistanning istanbuldiki konsulxanisida öltürülgen chaghda élinghan awaz léntilirining amérikining qolida ikenlikini, bu toghrida etrapliq melumat igiligenlikini bildürdi.
awaz léntisigha «azablinish léntisi» dep baha bergen tramp, «léntini anglashni xalimidim, anglash üchün birer sewebimmu yoq. tolimu zorawan, wehshiy we berbat idi» dédi.
seudi erebistanliq emeldarlargha jaza yürgüzgenliklirini xatirilitip ötken tramp, «buning bilen bir waqitta bir ittipaqdishimiz we nurghun jehetlerde nahayiti yaxshi bolghan ittipaqdashni tashliwétishni xalimaymen» dégenlerni qeyt qildi.
