америка қошма иштатлиридики от апитидә өлгәнләр сани көпәймәктә

түркийә авази радийоси хәвири: бутте райониниң мәсули кори һонеа бу һәқтә елан қилған байанатида, калифорнийә иштатиниң шималий қисмиға тәсир көрсәткән от апитидә йоқап кәткән йәнә 7 кишиниң җәситиниң тепилғанлиқини, 631 кишиниң техичә из – дерики йоқлуқини,  шуниң билән, райондики от апитидә һайатидин айрилғанлар саниниң 63 кә  йәткәнликини җакарлиди.

алақидар тармақларниң билдүрүшичә, калифорнийәниң шималий қисмида давамлишиватқан вә тәхминән 570 кивадрат километирға йейилған от апитидә, 11 миңдин артуқ бина көйүп күлгә айланған. калифорнийә иштатиниң җәнубида давамлишиватқан от апәтлиридә болса, һайатидин айрилғанларниң сани 3 кә йәткән, тәхминән 450 өй күлгә айланған.

калифорнийәниң җәнубидики от апәтлиридә зийанға учриғанлар арисида даңлиқ чолпанларму бар икән.

районда өйи зийанға учриған, тамамән көйүп кәткән йаки от апити сәвәбидин өй – маканлирини тәрк етишкә мәҗбур болған чолпанлар  арисида даңлиқ артис скот байо, режиссор гуллермо дел торо, reality show чолпини ким кардашиан, артис алиса милано вә артис райн вилсон қатарлиқ шәәхсләрму бар икән.

ақ сара пирезидент доналд трампниң шәнбә күни калифорнийә иштатиға берип, от апитидә талапәткә учриғанлардин һал сорайдиғанлиқини уқтурди.