pompéyo qatar mudapie ministiri bilen körüshti
amérika tashqi ishlar ministiri mayk pompéyo bilen qatar mudapie ministiri xalid bin muhemmed eletiyye paytext washingtonda körüshüp, ikki dölet we xelqaraliq mesililer toghrisida sözleshti.
türkiye awazi radiyosi xewiri: amérika tashqi ishlar ministirliqi bayanatchisi héitér nauért yazma bayanat élan qilip, pompéyo bilen mudapie ministiri, qoshumche bash ministir yardemchisi etiyyening amérika tashqi ishlar ministirliqida körüshkenlikini bildürdi we «ministir pompéyo bilen qatar bash ministir yardemchisi, ikki dölet otturisidiki küchlük munasiwetlerde ching turidighanliqlirini yene bir qétim tekitlidi we rayonda xewpsizlik we muqimliqni omumlashturushning ortaq payda ikenlikini eskertti» dégenlerni qeyt qildi. uchrishishta, pars qoltuqi hemkarliq kéngishi bayriqi astida bir ottura sherq ittipaqini wujudqa chiqirish üchün tirishchanliq körsitishning muhimliqigha isharet qilinghanliqi eskertildi.
pompéyo bilen etiyyening uchrishishida, amérikining qatardiki eludeyd hawa armiye bazisini kéngeytish xizmetlirining we amérika – qatar istratégiyelik diyalog yighinigha munasiwetlik eng yéngi ehwallarningmu muhakime qilinghanliqi bildürüldi.
qatarliq ministir tünügün amérika mudapie ministiri jéyms mattis bilen mudapie ministirliqi - péntagonda körüshkenidi.
