خادىجە جەنگىز ترامپنى ئادالەتنىڭ نامايان بولۇشىغا ياردەم قىلىشقا چاقىردى

تۈركىيە ئاۋازى رادىيوسى خەۋىرى: خاتىجە جەنگىز رويتېرس خەۋەر ئاگېنتلىقىنىڭ سوئاللىرىغا جاۋاب بېرىپ، جىنايەتنىڭ جاۋابكارلىرىنىڭ قانۇننىڭ بىر تەرەپ قىلىشىغا تاپشۇرۇلۇشى ۋە جازالىنىشى كېرەكلىكىنى قەيت قىلدى.

ئەنگلىيەنىڭ پايتەختى لوندوندا ئۆتكۈزۈلگەن «قاشىقجىنى خاتىرىلەش پائالىيىتى» گە ئىشتىراك قىلغان خاتىجە جەنگىز، ئامېرىكا پىرېزىدېنتى دونالد ترامپقا خىتاب قىلىپ، «ھەقىقەتنىڭ ئوتتۇرىغا چىقىرىلىشىغا ۋە ئادالەتنىڭ نامايان بولۇشىغا ياردەم قىلىڭ، جىنايەتنىڭ ئۈستىنىڭ يېپىۋېتىلىشىگە يول قويماڭ» دېدى.

ئۇ، قاشىجى جىنايىتىنىڭ سەئۇدى ئەرەبىستان كونسۇلخانىسى ئىچىدە يۈز بەرگەن بىر سۇيىقەست ھادىسىسى ئىكەنلىكىنى بىلدۈرۈپ، «بۇنداق بىر جىنايەتنىڭ قانداق يۈز بەرگەنلىكىنى سەئۇدى ئەرەبىستانلىق ئەمەلدارلارنىڭ بىلىش ئېھتىمالى بار» دېدى.

جىنايەتنىڭ جاۋابكارىنىڭ رىياد دائىرىلىرى ئىكەنلىكىنى تەكىتلىگەن خادىجە، جاۋابكارلارنىڭ قانۇننىڭ بىر تەرەپ قىلىشىغا تاپشۇرۇلۇشى ۋە جازالىنىشى كېرەكلىكىنى تىلغا ئېلىپ ئۆتتى.

خادىجە جەنگىز، دۇنيانىڭ ھەرقايسى جايلىرىدىكى ئىنسانلارنىڭ بۇ مەسىلىدىكى ھەمكارلىق روھىدىن مەمنۇن ئىكەنلىكىنى ئىپادىلىدى، بىراق، رەھبەرلەرنىڭ پوزىتسىيەسىگە «ئېغىر ئۈمىدسىزلىك» دەپ باھا بەردى.