tramp: «xitayni zor tehdit dep oylaymen»
donald tramp xitayning 2016-yildiki pirézidéntliq saylamlirigha arilishish bilen eyiblep xitayning zor tehdit ikenlikini bildürdi.
türkiye awazi radiyosi xewiri: amérika pirézidénti donald tramp xitayni amérikida 2016-yili ötküzülgen pirézidéntliq saylimigha arilishish bilen eyiblidi.
amérikidiki «CBS » téléwiziye qanilining ziyaritini qobul qilghan donald tramp, xitayning rusiyedinmu xeterlik ikenlikini eskertip: méningche xitay dölitimizdiki saylamgha arilashti, xitayni rusiyege qarighanda téximu xeterlik dep qaraymen, dédi.
rusiyening 2016-yildiki pirézidéntliq saylimigha ariliship arilashmighanliqi toghrisida soralghan bir soalgha jawab bergen amérika pirézidénti donald tramp mundaq dédi: «saylamlarda manga yardem qilishi üchün rusiyedin yardem telep qilghanliqimni oylamsiler? bu mumkin emes, rusiye manga némishqa yardem qilsun. rusiyedin yardem telep qilish tolimu bimene ishtur.»
buningdin bir nechche kün ilgiri amérika dölet xewpsizlik meslihetchisi jon bolton, amérikagha nisbeten eng zor xeterning xitay ikenlikini ilgiri sürgenidi.
bolton ötken jüme künidiki bayanatida xitayning xelqarada iqtisadi we herbiy nopuzini ashurush jeryanida xelqara qanungha xilapliq qilip kéliwatqanliqini bildürgenidi.
