ھايتىدا يەر تەۋرىدى

تۈركىيە ئاۋازى رادىيوسى خەۋىرى: ب ب س نىڭ خەۋەر قىلىشىچە، ئالاقىدار خادىملار ھايتىنىڭ شىمالىدا مەيدانغا كەلگەن يەر تەۋرەشتە كەم دېگەندە 10 ئادەمنىڭ قازا قىلغانلىقىنى،  كۆپ ساندا ئادەمنىڭ يارىلانغانلىقىنى بىلدۈرگەن.

پورت دې پائىكس، گروس مورنې، چانسولمې ۋە تۇرتېل ئارىلىدىكى نۇرغۇن بىنانىڭ زىيانغا ئۇچرىغانلىقى ئەسكەرتىلدى.

ئامېرىكا قوشما ئىشتاتلىرى گېئولوگىيەلىك تەكشۈرۈش ئورگىنى، مەركىزىي نۇقتىسى پورت دې پائىكس شەھىرىنىڭ 19 كىلومېتىر غەربىي شىمالىغا توغرا كېلىدىغان 5.9 باللىق يەر تەۋرەشنىڭ تەۋرەش چوڭقۇرلۇقىنىڭ 11.7 كىلومېتىر ئىكەنلىكىنى بىلدۈردى.