چاۋۇشئوغلۇ فىرانسىيەدە زىيارەتتە بولىدۇ

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقىنىڭ بىلدۈرۈشىچە، فىرانسىيە تاشقى ئىشلار مىنىستىرى  يېن يۋېس لې درىئاننىڭ تەكلىپىگە بىنائەن فىرانسىيەدە ئەتە زىيارەتتە بولىدىغان مىنىستىر چاۋۇشئوغلۇ، كەسپدېشى لې درىئان بىلەن ئېلىپ بارىدىغان ئۇچرىشىشىدا، سۈرىيە كىرىزىسىنى ئۆز ئىچىگە ئالغان رايونلۇق مەسىلىلەر ۋە ئىككى دۆلەت مۇناسىۋەتلىرىدىن سىرت يەنە، تۈركىيە بىلەن فىرانسىيەنىڭ ئورتاق كۈنتەرتىپىدىن ئورۇن ئالغان باشقا مەسىلىلەر توغرىلىقمۇ ئۆزئارا پىكىر ئالماشتۇرىدىكەن.