tramp hesen ruhani bilen körüshüshni pilanlimighanliqini éytti

türkiye awazi radiyosi xewiri: donald tramp tiwittér hésabidin élan qilghan bayanatida, «teleplerge qarimastin iran pirézidénti hesen ruhani bilen uchrishish pilanim yoq. belki kelgüside uchrishishim mumkin. ishinimenki, u choqum söyümlük bir adem» dégen sözlerni ishletti.

amérika tashqi ishlar ministiri mayk pompéo birleshken döletler teshkilatining 73 – nöwetlik omumiy kéngishi yighinidin ilgiri élan qilghan bayanatida, trampning b d t da hesen ruhani bilen körüshüshni xalighanliqini bildürgen idi.

mayk pompéo amérika téléwziye qanili «NBC» ning bir pirogrammisigha qatniship, «pirézidént tramp her qandaq chaghda birersi bilen körüshüshtin xoshalliq hés qilidu. bu jehette intayin ochuq adem» dégen sözlerni ishletken, emma uchrishish telipining ruhani teripidin kélishi kéreklikini ilgiri sürgen idi.