musulman qérindashlar teshkilati rehberliridin 88 kishige muddetsiz qamaq jazasi bérildi

türkiye awazi radiyosi xewiri: misirda herbiy – siyasiy özgirishke qarshi chiqqan 781 kishi sot qilinghan déloda, sot mehkimisi 4 kishige ölüm jazasi we musulman qérindashlar teshkilati rehberler kéngishi bashliqi muhemmed bedinimu öz ichige alghan 88 kishige muddetsiz qamaq jazasi berdi.

sot mehkimisidin igilengen melumatlargha asaslanghanda, 2 – qétimliq sotta «edwiye meydani weqeliri» depmu bilinidighan délomigha chétishliq gomandalar paytext qahirediki minye sot mehkimiside sot qilinghan bolup, 4 gumandar yoq yéride ölüm jazasigha höküm qilinghan.

musulman qérindashlar teshkilati rehberliridin muhemmed bedinimu öz ichige alghan 88 kishige muddetsiz qamaq jazasi bérilgen we 463 kishi delil yéterlik bolmighanliqi sewebidin qoyup bérilgen. 

sotta yene, 82 kishige 15 yilliq, 17 kishige 10 yilliq, 49 kishige 7 yilliq, 21 kishige 5 yilliq, 24 kishige 3 yilliq, 22 kishige 2 yilliq qamaq jazasi bérilgen.

sot ishliri 5 yil dawamlashqan déloda yene, ghelite hökümlerningmu chiqirilghanliqi melum.

gumandarlardin birsi eqliy - hushidin ayrilip qalghan bolghachqa jazalashqa layiq körülmigenki, 6 kishining délosining wapat bolghanliqi tüpeeylidin emeldin qaldurulghanliqi uqturuldi.

délo resmiyleshken chaghda, 4 gumandar téxi ösmür bolghanliqi sewebidin sotning bu heqte qarar chiqirish hoquqi yoqluqi élan qilindi. 

edwiye meydani weqeliri 2013 – yili 14 – awghustta rabietul edwiye we nehda meydanlirida herbiy – siyasiy özgirishke qarshi élip bérilghan namayishni tarqitiwétish jeryanida yüz bergen idi.

déloda texminen 800 kishi herbiy siyasiy özgirishke qarshi namayish jeryanida, minyening ewde nahiyesidiki saqchi ponkitgha bésip kirip, ot qoyup bérish, saqchi memurini öltürüsh, dölet organlirigha ziyan sélish we ruxsetsiz namayish qilish bilen eyiblengen idi.