rusiye chüshürüwétilgen ayropilan weqesige isirailiyening jawabkar ikenlikini bildürdi
amérika tashqi ishlar ministiri pompéyo rusiye herbiy ayropilanining süriyede chüshürülüshining, «rayondiki mesililerge uzun muddetlik, tinchliqni yaqilaydighan siyasiy hel qilish chariliri tépishning ehmiyitini kishining ésige salidighanliqi» ni ilgiri sürdi.
türkiye awazi radiyosi xewiri: amérika tashqi ishlar ministiri mayk pompéyo rusiye herbiy ayropilanining étip chüshürülüshi toghrisida yazma bayanat élan qildi. yazma bayanatta, ayropilanning chüshürülüshige «teleysiz weqe» dep baha berdi we: «amérika süriyede beshshar esed hakimiyitining ayropilan atari bilen étip chüshürülgen rusiye ayropilanidiki eskerlerning jénidin ayrilghanliqidin chongqur qayghurdi» dédi.
u bayanatida mundaq dédi:
«étip chüshürüwétilgen rusiye herbiy ayropilani rayondiki mesililerge uzun muddetlik, tinchliqni yaqilaydighan siyasiy hel qilish charisi tépishning zörürlükini we süriyede élip bériliwatqan herbiy heriketlerdiki xata hésablar seweb bolghan xeterlerni hemme kishining ésige salidu.»
u weziyetning süriye mesilisini b d t xewpsizlik kéngishi qarari boyiche derhal hel qilishqa diqqetni tartidighanliqini alahide tekitlep: «yüz bergen weqe rayongha tehdit salghan iranning xeterlik qoral sistémilirini bir amal qilip süriyege yüzülendürüshini axirlashturushning ehmiyitini ispatlidi» dédi.
rusiye dölet mudapie ministirliqi tünügün (18-séntebir) süriyede radardin ghayip bolghan we 15 esker olturghan «İl-20» tipliq herbiy ayropilanning, süriye hakimiyitining «S-200 » tipliq hawa mudapie qalqan sistémisi teripidin étip chüshürüwétilgenlikini bildürdi.
weqe sewebidin isirailiyeni eyibligen rusiye dölet mudapie ministiri sérgéy shoygu weqege isirailiyening jawabkar ikenlikini ilgiri sürdi.
