b d t bash katipi gutérrés erdoghan bilen putnning idlib qararidin xursen boldi
b d t bash katipi antonyo gutérrés rejep tayyip erdoghan bilen wiladimir putinning idlibte qorallardin xaliy rayon berpa qilish mesiliside kélishim hasil qilishidin memnun bolghanliqini bildürdi.
türkiye awazi radiyosi xewiri: birleshken döletler teshkilati bash katipi antonyo gutérrés türkiye bilen rusiyening idlibte qorallardin xaliy rayon berpa qilish mesiliside kélishkenlikliridin xursen bolghanliqini bildürdi.
b d t bash katipi bayanatchisidin bu heqte élan qilinghan bayanatta mundaq déyildi: «bash katipimiz gutérrés 17-sétnebirde türkiye jumhur reisi rejep tayyip erdoghan bilen rusiye pirézidénti wiladimir putinning süriyening idlib rayonida qorallardin xaliy rayon berpa qilish mesiliside kélishim hasil qilishidin xursen boldi.»
ikki rehberning idlib mesiliside kélishim hasil qilishining idlib rayonida keng kölemlik herbiy heriketlerning aldini élish bilen birge, yerlik xelqning könglini teskin tapquzghanliqi alahide eskertilgen bayanatta: «bash katip gutérrés süriyediki barliq tereplerni idlib kélishimini qollashqa we barliq rayonlargha yardem buyumliri yetküzüsh xizmetlirige sharait yaritip bérishke chaqiridu»dégen ibarilerge orun ajritildi.
bayanatta yene, bash katip gutérrésning süriyediki toqunushning sewebini éniqlap chiqish üchün heriketke ötüsh we süriye mesilisige b d t xewpsizlik kéngishining 2254 nomurluq qararnamisi dairiside siyasiy charilerni tépish lazimliqini eskertkenlikimu bildürüldi.
