yawropa ittipaqi idlib toghrisida agahlandurdi
yawropa ittipaqi süriyede beshshar esed hakimiyiti bilen rusiyening gherbiy shimaldiki idlib we ottura qisimgha jaylashqan hama wilayetliride qilghan hawa hujumlirining pajielik aqiwetlerni peyda qilidighanliqi toghrisida agahlandurdi.
türkiye awazi radiyosi xewiri: yawropa ittipaqi komitéti bayanatchisi maja kojijanjij idlibqa qiliniwatqan herbiy heriketlerning toxtitilishini chaqiriq qilghanliqlirini xatirilitip, mundaq dédi:
«hujum pajielik yaman aqiwetlerning we achchiq qismetlerning peyda bolushigha seweb bolidu. terepler bilen alaqilirimizni dawam qiliwatimiz. b d t ning bu heqtiki paaliyetlirini qollaymiz.»
xelq mudapiesi menbeliride körsitilishiche, mushu ayning béshidin tartip idlibning gherbi, gherbiy jenubi we hamaning shimaligha qilinghan hawa bombardimanliri we quruqluqtin qilinghan hujumlarda, 29 bigunah puqraning jénidin ayrilghan we eng az dégende 71 kishi yarilanghan. bu mezgilde hujum sewebidin hamaning shimalidin keferzita yézisida xelq mudapie merkiziy bilen yer asti doxturxanisi we latamne yézisidiki doxturxana palech ehwalgha chüshüp qalghan.
bügün (10-séntebir) rusiye bilen beshbshar esed hakimiyiti ayropilanlirining idlib bilen hamada turalghu jaylarni bombardiman qilghanliqi, bombardimanda 17 kishining yarilanghanliqi qeyt qilindi.
süriyening gherbiy shimalida qoralliq öktichiler we beshshar esed hakimiyitige qarshi qoralliq guruppilarning kontrolluqidiki idlib we etrapidiki bezi jaylarning, 2017-yili 4-5-may künliri échilghan astana yighinida, «toqunushmasliq rayoni» dep élan qilinghan idi. biraq, rusiye bilen beshbshar esed hakimiyiti ayropilanliri pat-pat rayonni bombardiman qilip kéliwatqan idi.
