pakistanda imran xan qesem bérip wezipe tapshuruwaldi

türkiye awazi radiyosi xewiri: paksitanda bash ministir saylanghan adalet herikiti partiyesi bashliqi imran xan qesem bérip bash ministirliq wezipisini tapshuruwaldi.

pakistan memliketlik xelq mejliside (parlamént)tünügün bash ministir bolup saylanghan paksitan adalet herikiti partiyesi bashliqi imran xan, pirézidént memnun hüseyinning huzurida qesem berdi.

pakistanning 22-nöwetlik bash ministiri imran xan, waqtiliq hökümetning bash ministiri nasirul mülktin bash ministirliq wezipisini tapshurup aldi.

murasimgha waqitliq hökümet ezaliridin sirt qara, déngiz we hawa armiyesi qomandanliri qatnashti.

murasimgha yene imran xanning bala-chaqiliri we partiye ezaliridin bashqa hindistanning meshhur kaltek top mahiri nawjot sayin hidxu bilen ramiz rajamu ishtirak qildi.

murasimgha imran xanning «dölet chiqimlirini azaytish»siyasiti seweblik az méhman  chaqirildi.  

bash ministir imran xan ministirlar kabint ezaliri tizimlikini pat yéqinda élan qilidu we kabintqa kireligen ministirlarmu pirézidént hüseyinning huzurida qesem béridu.

pakistanda bash ministirlar xalighanche minsitir teyinlesh hoquqigha ige bolsimu, imran xan burun bergen bayanatlirida ministirlar sanini töwenlitidighanliqini bildürgenidi.