amérikaning sabiq bash elchisining p k k heqqide éytqanliri diqqet qozghidi
amérikaning sabiq enqere bash elchisi jéymés jéfréy türkiyening bölgünchi térrorluq teshkilati p k k ning süriyediki gumashtisi p y d|y p g heqqidiki endishelirining heqliq ikenlikini bildürdi.
türkiye awazi radiyosi xewiri: jéymés jéfréy süriyede térrorluq teshkilatlirining amérika hökümiti teripidin paydilinishining xata ikenlikini bilip yetken bir kishi. u: «p y d ning p k k ning gumashtisi ikenlikide shübhe yoq. bu heqiqet ikki yil burun amérika kéngesh palatasida élan qilindi, merkiziy istixbarat idarisi < CIA> ning döletler doklatidimu bu nuqta eskertilidu, bu heqiqet» dédi.
jéymés jéfréy buningdin burun türkiye radiyo-téléwiziye idarisi (t r t) ning ziyaritini qobul qilghandimu, türkiyening süriye heqqidiki endishelirige diqqet qilish kéreklikini tekitligen idi.
u: «türklerning ghezeplinishini toghra chüshinimen. bu ghezeplinish peqet 1984-yildin buyan 40 ming kishining p k k ning térrorluqida qurban bolghanliqi üchün peyda bolupla qalmastin, belki amérikaning p y d|y p g heqqide bergen wediside turmighanliqi sewebidinmu peyda bolghan. deslepte waqitliq we taktikiliq idi, kéyinche uzun muddetlik shériklikke aylandurduq. türklermu <toxtanglar, néme boluwatidu> dep oylashqa bashlidi» dédi.
jéymés jéfréy hazir amérikaning süriye alahide wekili boldi. rayondiki döletler bilen muzakireler ötküzidighan jéymés jéfréyning özining burunqi süriye heqqidiki chüshenchilirini dawamlashturup-dawamlashturmaydighanliqini qiziqish qozghighan témigha aylandi.
