tramp «CİA» ning sabiq diréktorining ruxsitini emeldin qaldurdi
donald tramp amérikining nuqtiliq melumatlirini qoghdash üchün asasiy qanundiki pewquladde mesuliyitini ada qilghanliqini ilgiri sürdi.
türkiye awazi radiyosi xewiri: amérika pirézdénti donald tramp rusiye pirézidénti wladimir putin bilen finlandiye paytexti xélsinkida élip barghan uchrishishigha «xainliq» dep baha bergen amérika merkiziy istixbarat teshkilati «CİA» ning sabiq diréktori jon brénnanning bixeterlik ruxsitini emeldin qaldurdi.
jon brénnanning bixeterlik ruxsitini emeldin qaldurghanliqigha dair donald tramp élan qilgha yazma bayanatta: «dölitimning nuqtiliq melumatlirini qoghdash üchün asasiy qanunda pewquladde bir mesuliyitim bar. bügün bu mesuliyitimni orundash üchün amérika merkiziy istixbarat idarisi «CİA» ning sabiq diréktori jon brénnanning bixeterlik ruxsitini emeldin qaldurush qarari aldim» déyildi.
trampning fédératsiye tekshürüsh idarisi «FBI» ning sabiq diréktori jamés koni qatarliq bezi sabiq xadimlarningmu bixeterlik ruxsitini emeldin qaldurushni oylishiwatqanliqi bildürüldi.
amérika merkiziy istixbarat idarisi «CİA» ning sabiq diréktori jon brénnan bolsa, bu qarar heqqide toxtilip: «trampning bu qarari pikir erkinlikini basturush tirishchanliqining bir parchisidur» dep baha berdi.
