talibanning shiddetlik hujumliri köpeymekte
afghanistanda talibanning xewpsizlik qisimlirini nishan qilghan hujumliri barghanséri köpeymekte.
türkiye awazi radiyosi xewiri: afghanistanning baglan wilayitide 38 esker öltürülgen hujum bilen, yéqinqi bir hepte ichide xewpsizlik qisimliri üchün yoqitishning 200 din ashqanliqi texmin qilinmaqta.
afghanistanning shimaligha jaylashqan baglan wilayitidiki hujum alaaddin rayonidiki herbiy bazigha élip bérildi.
resmiy menbelerde körsitilishiche, hujumda 38 esker jénidin ayrilghan, biraq afghanistan taratquliri jénidin ayrilghan eskerler sanini 45 dep élan qilghan.
talibanning tünügün (14-awghust) kéche zabul wilayitining merkiziy bolghan kalat shehiridiki herbiy tekshürüsh nuqtisighimu hujum qilghanliqi bildürüldi. bu hujumda 12 esker jénidin ayrilghan.
taliban tünügün etigende feryab wilayitide 20 esker jénidin ayrilghan yene bir hujumni peyda qilghan idi.
