padishah salman bilen pirézidént sisi körüshti

türkiye awazi radiyosi xewiri: seudi erebistan padishahi selman bin abduleziz bilen misir pirézidénti abdulfettah es –sisi, tebük rayonidiki niyom shehiride körüshti.

seudi erebistan resmiy xewer agéntliqi- s p a ning bu heqtiki xewiride, bu qétimqi körüshüshke seudi erebistan text warisi muhemmed bin salman bilen misir istixbarat idarisi bashliqi abbas qasiminingmu iishtirak qilghanliqi bildürüldi.

xewerde körüshüshte ikki dölet munasiwetlirining nöwettiki ehwalining muzakire qilinghanliqi eskertildi.

misir taratquliri aldin waqiplandurulmighan bu qétimqi ziyaret toghruluq siyasiy analizchilar, yemen mesilisini hel qilishning koyigha chüshken misir hökümitining seudi erebistan mesulliri bilen hazirqi weziyet üstide kéngesh qilghan bolush éhtimalining yuqirliqini bildürmekte.

yemen pirézidénti abdurabbu mensur hadi, aldinqi küni misirgha bérip pirézidént sisi we alaqidar mesullar bilen körüshkenidi.

padishah salman bilen sisigha sahibxanliq qilghan niyom shehiri, seudi erebistanning gherbiy shimaligha jaylashqan tebük rayonidiki aqabe qoltuqigha jaylashqan.

seudi erebistan text warisi shahzade muhemmed bin salman 2017-yili 24-öktebirde seudi erebistan, iyordaniye we misir zéminlirida 26500 kwdrat kilométirliq jaygha 500 milyard dollar chiqim kétidighan niyom nami astida layihe berpa qilidighanliqlirini jakarlighanidi.