پۇتىن ۋەلايەتىنى قوبۇل قىلدى

تۈركىيە ئاۋازى رادىيوسى خەۋىرى: رۇسىيە پىرېزىدېنتلىق مەھكىمىسى بايانات ئېلان قىلىپ، ۋىلادىمىر پۇتىننىڭ نوۋو – ئوگارېۋو پىرېزىدېنتلىق تورالغۇسىدا ۋەلايەتىنى قوبۇل قىلغانلىقىنى، ئۇچرىشىشقا رۇسىيە تەرەپتىن تاشقى ئىشلار مىنىستىرى سېرگېي لاۋروۋ ۋە كرېمىل تاشقى سىياسەت مەسلىھەتچىسى يۇرىي ئۇشاكوۋنىڭ؛ ئىران تەرەپتىن خامەنېينىڭ مەسلىھەتچىلىرىدىن ئەلى ئاسگار فاتھى ساربانگولى ۋە ئىراننىڭ موسكۋادا تۇرۇشلۇق باش ئەلچىسى مەھدى سانائىنىڭ ئىشتىراك قىلغانلىقىنى ئۇقتۇردى.

ئىسرائىلىيە باش مىنىستىرى بۇنيامىن نېتانياھۇ تۈنۈگۈن رۇسىيە پىرېزىدېنتى ۋىلادىمىر پۇتىن بىلەن موسكۋادا كۆرۈشكەندە، سۈرىيەدىكى ئىران كۈچلىرىنىڭ نۆۋەتتىكى ئەھۋالى توغرىسىدا سۆزلەشكەنىدى.