دەرئادىن قاچقانلارنىڭ سانى 350مىڭدىن ئېشىپ كەتتى
ئەسەد قىسىملىرىنىڭ دەرئاغا كەڭ كۆلەملىك ھۇجۇم قوزغىشى سەۋەبىدىن رايوننى تاشلاپ كېتىشكە مەجبۇر بولغانلارنىڭ سانى 350مىڭدىن ئېشىپ كەتتى.
تۈركىيە ئاۋازى رادىيوسى خەۋىرى: سۈرىيەدە ئەسەد قىسىملىرى ۋە قوللىغۇچىلىرىنىڭ سۈرىيەنىڭ غەربىي جەنۇبىغا جايلاشقان دەرئا ۋىلايىتىگە قىلغان ھۇجۇملىرى سەۋەبلىك يۇرت-ماكانلىرىنى تاشلاپ كېتىشكە مەجبۇر بولغانلارنىڭ سانى 350مىڭدىن يەتتى.
ئەسەد ھاكىمىيىتى ۋە قوللىغۇچىلىرىنىڭ 20-ئىيۇلدا سۈرىيەنىڭ غەربىي جەنۇبىغا جايلاشقان دەرئا ۋىلايىتىدىكى ئۆكتىچىلەرنىڭ كونتروللۇقىدا تۇرۇۋاتقان رايونلارغا كەڭ كۆلەملىك ھۇجۇم قوزغىشى تۈپەيلى، يەرلىك خەلق ئىيوردانىيە ۋە ئىسرائىلىيە چېگراسىدىكى رايونلارغا كۆچۈشكە باشلىدى.
دەرئا ئاممىۋى مۇداپىئە جەمئىيىتى ئەسەد ھاكىمىيىتىنىڭ ھۇجۇمىدىن قېچىپ ئىيوردانىيە ۋە ئىسرائىلىيە چېگراسىغا كەلگەن سۈرىيەلىكلەرنىڭ سانىنىڭ 350مىڭدىن ئاشقانلىقىنى بىلدۈردى.
ئۆي-ماكانلىرىنى تاشلاپ كېتىشكە مەجبۇر بولغان دەرئالىقلار چېگرا رايونلىرىدا پاناھلىنىش ئۈچۈن جاي ئىزدىمەكتە.
كۆپ قىسمى بالا ۋە ئاياللاردىن تەشكىل تاپقان يۈز مىڭلارچە كۆچمەن، پاكىز سۇدىن مەھرۇم ھالەتتە ياشىماقتا.
چېگرا رايونلىرىنىڭ تېمپېراتۇراسىنىڭ 45 گىرادۇسقا ئۆرلەپ كېتىشى ۋە چۆل شاماللىرى كۆچمەنلەرنىڭ ھاياتىنى تېخىمۇ قىيىنلاشتۇرماقتا.
مۇناسىۋەتلىك خەۋەرلەر
ئامېرىكا ئۇكرائىناغا 2 مىليارد دوللار ياردەم بېرىدۇ
ئامېرىكا قوشما ئىشتاتلىرى ئۇكرائىناغا 2 مىليارد دوللار ياردەم بېرىدۇ.
ئافغانىستاندا ھەربىي تىك ئۇچار چۈشۈپ كەتتى
ئافغانىستاننىڭ غور ۋىلايىتىدە بىر ھەربىي تىك ئۇچار ئايروپىلان دەريا قىرغىقىغا چۈشۈپ كەتتى.
