ئافغانىستاندا يۈز بەرگەن ئادەم بومبا ھۇجۇمى نۇرغۇن كىشىنىڭ جېنىغا زامېن بولدى

تۈركىيە ئاۋازى رادىيوسى خەۋىرى: نانگارخار ۋالىي مەھكىمىسى باياناتچىسى ئاتائۇللاھ ھوڭيانىنىڭ بىلدۈرۈشىچە، نانگارخار ۋىلايىتىنىڭ رۇدەت ناھىيەسىدە ئۇرۇش توختىتىش ئېلان قىلىنىشىدىن كېيىن تالىبان بىلەن دۆلەت خەۋپسىزلىك كۈچلىرى ھېيتلىشىش مۇراسىمى ئۆتكۈزۈۋاتقاندا ئادەم بومبا ئۈستىگە تېڭىۋالغان بومبىنى پارتلاتقان، پارتلاشتا پۇقرالارنىمۇ ئۆز ئىچىگە ئالغان 20 كىشى ھاياتىدىن ئايرىلغان، 16 كىشى يارىلانغان.

ئاتائۇللاھ ھوڭيانىنىڭ ئەسكەرتىشىچە، مۇراسىمغا پۇقرالارمۇ قاتناشقان ئىكەن.

ئافغانىستان پىرېزىدېنتى ئەشرەف غېنى 20 – ئىيۇن كۈنىگىچە تالىبانغا قارىتا ۋاقىتلىق ئۇرۇش توختىتىش ئېلان قىلغانلىقلىرىنى ئۇقتۇرغان، تالىبانمۇ روزى ھېيت بويىچە 3 كۈنلۈك ئۇرۇش توختىتىش توغرۇلۇق قارار چىقارغانلىقلىرىنى بىلدۈرگەنىدى.