بىرلەشمە قىسىم خاتالىقىنى ئېتىراپ قىلدى

تۈركىيە ئاۋازى رادىيوسى خەۋىرى: ئامېرىكانىڭ باشچىلىقىدىكى "دائېشقا قارشى خەلقئارالىق بىرلەشمە قىسىم" 2014-يىلدىن بۇيان ئىراق بىلەن سۈرىيەدە ئېلىپ بارغان ھەربىي ھەرىكەتلىرىدە ئەڭ ئاز دېگەندە 892 كىشىنىڭ جېنىدىن ئايرىلغانلىقىنى ئېتىراپ قىلدى.

خەلقئارالىق بىرلەشمە قىسىم ئېلان قىلغان دوكلاتقا ئاساسلانغاندا، بىرلەشمە قىسىم 2014-يىلى ئاۋغۇستتىن 2018-يىلى ئاپرېلغىچە 29 مىڭ 358 ھۇجۇم ئەمەلگە ئاشۇرغان.

دوكلاتتا: "بىرلەشمە قىسىمنىڭ ھەربىي ھەرىكىتى باشلانغاندىن تارتىپ، ئەڭ ئاز دېگەندە 892 كىشى خاتا ھالدا ئۆلتۈرۈلدى" دېيىلدى.

بەزى مەنبەلەر بىرلەشمە قىسىمنىڭ ھۇجۇملىرىدا جېنىدىن ئايرىلغان پۇقرالارنىڭ تېخىمۇ كۆپ بولۇشى مۇمكىنلىكىنى ئىلگىرى سۈرمەكتە.