sey yingwén: xitayning tehditlirige taqabil turush üchün bixeterlik tedbirlirimizni kücheytimiz
teywen rehbiri sey yingwén, hökümitining xitayning herbiy tehditlirige taqabil turush üchün bixeterlik tedbirlirini kücheytidighanliqini bildürdi.
türkiye awazi radiyosi xewiri: teywen mehelliy taratqulirining xewer qilishiche, sey yingwén bayanat bérip, béyjing dairiliri yürgüzüwatqan bésimi tüpeyli, hökümitining yerlik qoral ishlepchiqirish sanaitini güllendürüshini qollighanliqini qeyt qildi.
u, teywenning, xitayning herbiy tehditlirige taqabil turush üchün, bixeterlik tedbirlirini kücheytidighanliqini tekitep, «xelqning bixeterliki üchün xizmetlirimizning süritini ashurimiz» dédi.
xitay dölet ishliri mehkimisi teywen ishliri ishxanisi bayanatchisi en féngshen charshenbe bayanat bérip, xitay xelq azadliq armiyesining aral etrapidiki herbiy manéwirliri arqiliq bergen signalining nahayiti roshen ikenlikini eskertken we buning «teywen musteqilliq terepdari küchlirige we ularning paalliqigha qarita küchlük bir agahlandurush» ikenlikini éytqanidi.
