kerkük waliysi: saylam netijisini ret qilimiz
iraqning kerkük shehiridiki erebler, omumiy saylamlargha hiyle arilashturulghanliqini ilgiri sürüp, saylam netijisini étirap qilmaydighanliqlirini uqturdi.
türkiye awazi radiyosi xewiri: kerkük waliysi raqan seid kerkükte muxbirlarni kütüwélish yighini ötküzüp, xelqning saylamlargha éghir shundaqla ashkara yusunda hiyle arilashturulghanliqini körgenlikini, buning delillinishi üchün minglarche kishining bir qanche kündin buyan namayish ötküzüwatqanliqini tekitlidi.
u, gumanliq omumiy saylamning netijisini ret qilidighanliqlirini, saylamgha hiyle arilashturulghanliqi üchün bélet tashlighuchi bilen saylam komissarliqi arisida ishenchiszlik peyda bolghanliqini eskertip, «jezmleshken netijiler élan qilinghan bolushigha qarimay, awaz béletlirining qol bilen sanilishi toghrisidiki telipimizdin waz kechmiduq. epsuski, bolup ötken ishlar kerküktiki étnik guruppilar arisidiki tinchliqqa xewp élip kélishke bashlidi» dédi.
yüzlerche saylam sanduqining hélihem bélet tashlanghan merkezlerde ikenlikini bildürgen waliy seid, «kerküktiki saylam komissarliqi merkizige élip kélinmigen, shundaqla béletliri sanalmighan toluq 306 sanduq bar. bu sanduqlarning ichige qaysi siyasiy partiyege qanchilik bélet tashlanghanliqi namelum» dégenlerni qeyt qildi.
iraqning kerkük shehiridiki türkmenler, 12 – may shenbe küni ötküzülgen omumiy saylamdin kéyin, özliri topliship olturaqlashqan jaylardiki awaz béletlirining kord partiyelirige hésablanghanliqini ilgiri sürüp namayish ötküzüshni bashlighanidi.
