polsha bilen amérika bashqurulidighan bomba kélishimi tüzdi
polsha «wetenperwer» (patriot) namliq hawa we bashqurulidighan bomba qalqan sistémisini sétiwélish üchün, amérika bilen 4 milyard 750 milyon dollarliq kélishim imzalidi.
türkiye awazi radiyosi xewiri: polsha pirézidénti andjéri duda (Andrzej Duda), bash ministir matiyus morawiki we amérikaning warashawada turushluq bash elchisi pawl w. jonsonning qatnishishi astidiki murasimda, polsha dölet mudapie ministiri mariyus bilashchak kélishimge imza qoydi.
polsha dölet mudapie ministiri mariyus bilashchak 4 milyard 750 milyon dollarliq kélishimning, polsha armiyesi tarixidiki eng chong qoral sétiwélish kélishimi bolghanliqini, polshaning wetenperwer namliq hawa we bashqurulidighan bomba qalqan sistémisi bilen yuqiri téxnikigha érishkenlikini bildürdi.
polsha bash ministiri morawiki: «polshaning bixeterlikining küchlendürülüshi, ottura yawropaningmu bixeterlikini küchlendüridu» dédi.
amérika bash elchisi jonson polshaning washington bilen ikkinchi derijilik «wetenperwer», 360 giradusluq radar, töwen maliyetlik «owchi» namliq bashqurulidighan bombilar toghrisidimu sözlishiwatqanliqlirini bildürdi.
kélishim boyiche, 2022-yilida tunji qétimliq mal tapshurulidighan bolup, qalqan sistémilirining bezi parchiliri polshada yasilidiken.
polsha taratquliridiki xewerlerge asaslanghanda, amérika tashqi ishlar ministirliqi 2017-yili élan qilghan wetenperwerler toghrisidiki bayanatida, mebleghni 10.5 milyard dollar dégen, biraq polsha hökümiti sodiliship bahani chüshürgen.
مۇناسىۋەتلىك خەۋەرلەر
amérika – xitay dölet mudapie ministirliri singaporda körüshidu
amérika – xitay dölet mudapie ministirliri kéler hepte singaporda tunji qétim yüzturane körüshidu.
